لاہور۔20فروری(اے پی پی )ڈپٹی سپیکر پنجاب اسمبلی سردار دوست محمد مزاری آکھیے جو وزیرِ اعظم عمران خان دا بھارت کوں ٹکا تے جواب پاکستانی عوام دے جذبات دی ترجمانی کیتی اے ، پوری قوم ڈٹ تے حکومت اتے پاکستان دی فوج دے رلے کھڑی اے ،اساں بھارت دیاں گیدڑ بھبھکیاں توں ڈردے کائنی ، بھارت ہوش اچ آوے نتاں پچھتاوے دے سوا کجھ وی کائناں رہسس۔ انہاں اپنڑے جاری بیان اچ آکھیا جو بھارت جنگی جنون کوں ہوا نہ ڈیوے ۔حملہ کرنڑ دی جرات کیتی تاں ناں نشان وی مسم ویسے ۔انہاں آکھیا کشمیریاں دے دل اچ ہندوستان نال نفرت دے سوا کوئی جذبہ کائنی، بھارت کشمیر اچ نفرت دا جیرھا بج رادھے اوں ہنڑ پورا درخت بنڑ گئے تے ہنڑ اوینکوں کپے ۔ سردار دوست مزاری آکھیا جو بھارت کوں اے ذہن نشین کر گھننڑان چاہیدے ۔انہاں آکھیے جو پاکستان اچ تکڑی قیادت دی حکومت اے جیرھی جو دشمن دیاں اکھیں اچ اکھیں پاتے گال کریندی اے ۔
