لاہور۔23فروری(اے پی پی )وفاقی وزیر ریلوے شیخ رشید احمد آکھیے جو وزیر اعظم عمران خان دشمن ولوں کہیں وی جارحیت دی صورت اچ ترائی مسلح فوج کوں چنگاں جواب ڈیونڑ دا اختیار ڈے ڈتے ،اگر حملہ تھیندے تاں برلاجی دے مندر دیاں گھنٹیاں کائناں وجسن تے سارا قرضہ ہکے ویلھے لہہ ویسی ۔او ہفتے کوں ریلوے ہیڈ کوارٹرز لاہور اچ پریس کانفرنس توں خطاب کریندے پے ہن ۔انہاں آکھیا بھارتی وزیر اعظم مودی ستر فیصد جنگ دے آثار پیدا کر ڈتن مودی چار ریاستا اچ الیکشن ہرنڑ دے بعد پاکستان نال پنگا گھن گھدے ،میں کڈاہیں کہیں جموری تے لبرل ملک اکھواونڑ آلے ملک کوں اتنا مذہبی انتہا پسند کائنی ڈٹھا ، بھار ت سعودی ولی عہدمحمد بن سلمان کوں پاکستان دے خلاف کوئی ثبوت وی کائنی ڈے سگیا ۔شیخ رشید آکھیا جو سمجھوتہ ایکسپریس کوں ڈیکھ تے آکھیا ہئی جو اینکوں بھاہ لاتی گئی اے ،جڈاں تئیں ہک کشمیری وی جیندا اے انہاں دی جدوجہد جاری رہسی تے پاکستان انہاں دے نال کھڑے ۔ہک سوال دے جواب اچ آکھیا جو شہباز شریف دے سوا کہیں کوں ڈیل یا ڈھل گھندے کائنی ڈٹھا ،آصف زرداری دا او فیوز اڈ گے تے” پاسورڈ“ ونیج گئے جوتحریک چلاوے ۔ نواز، شہباز دی بیماری دا ذکر کریندے ہوئیں شیخ رشید احمد آکھیا جڈاں اے اقتدار اچ ہوون تاں تندرست اتے اقتدار توں باہر ہوون تاں بیمار تھی ویندن ۔وفاقی وزیر ریلوے آکھیا جو دبئی فیسٹیول اتے ایران دا دورہ کریساں ۔
