ملتان ۔11 فروری (اے پی پی)وزیراعظم عمران خان دے احکامات تے ملتان اتے راولپنڈی وچال بحال کیتی گی تھل ایکسپریس دا افتتاح (اج) منگل کوں تھیسی۔ وزیراعظم عمران خان سویل ست وجے راولپنڈی ریلوے اسٹیشن تے تھل ایکسپریس دا افتتاح کریسن۔ ملتان توں وی سویل ست وجے ریل گاڈی راولپنڈی سانگے روانہ تھیسی۔ ریل گاڈی دی روانگی دے موقع تے راولپنڈی اچ تھیونڑ آلی تھل ایکسپریس دی افتتاحی تقریب ملتان ریلوے اسٹیشن تے براہ راست ڈکھائی ویسی۔ ریل گاڈی دی روانگی دیاں تیاریاں مکمل تھی گن۔ ایں موقع تے ملتان ریلوے اسٹیشن کو ں سجایاگئے۔ ملتان توں راولپنڈی تئیں جیرھے سٹیشن تے وی گاڈی دے سٹاپ ہن اتھاں وی سجا ڈتا گئے ۔ مختلف بینر لاتے گن جنہاں تے وزیراعظم عمران خان اتے وفاقی وزیر ریلوے شیخ رشید احمد دیاں تصویر لاتیاں گن ۔وفاقی وزیر ریلوے شیخ رشید احمد ریل گاڈی تے ملتان آسن۔ڈویژنل سپرٹننڈنٹ ریلوے ملتان ڈویژن امیرمحمدداﺅدپوتااپنڑے ڈویژنل ا فسراں دے کٹھے کندیاں اسٹیشن تے وفاقی وزیرریلوے شیخ رشیداحمد دااستقبال کریسن تے انہاں دے کٹھے ملتان کینٹ اسٹیشن تئیں ویسن ۔ ملتان کینٹ اسٹیشن پجنڑ تے ڈپٹی ڈی ایس صائمہ بشیروفاقی وزیرداستقبال کریسن۔
