اسلام آباد ۔ 9 فروری (اے پی پی) وزیراعظم عمران خان( اج) ہفتے کوں ”10 ارب ٹری سونامی “ وژن تحت پلانٹ فار پاکستان پروگرام ذریعے شجرکاری مہم شروع کریسن ۔ وزیراعظم آفس دے میڈیا ونگ توں جاری پریس ریلیز مطابق وزیراعظم ” بلوکی اچ قدرتی جنگلات دے ذخیرہ“ دے قیام دا(اج) ہفتہ کوں افتتاح کریسن۔ وزیراعظم اپنڑے ہک ٹویٹ اچ آکھیے جواساں واگزار کرائی گی سرکاری زمین تے پلانٹ فار پاکستان پروگرام شروع کرنڑ ویندے پئے ہسے ، جیندے تے ماضی اچ قبضہ مافیا قبضہ کیتا ہویا ہا۔ انہاں آکھیے جو واگزار کرائی گی زمیناں تے جنگلات لاونڑ دے علاوہ مستقبل دی نسل سانگے جنگلی حیات دے پارک بنڑائے ویسن ۔ وزیراعظم ٹویٹ اچ آکھیے جوایں اقدام نال مستقبل اچ موسمی تغیر اتے آلودگی دے مسائل نال نبڑن سانگے مدد ملسی۔ پاکستان دی تریخ اچ پہلی واری پلانٹ فار پاکستان تحت 10 ارب درخت سونامی ول اگی تے ودھدے ہوئے صوبہ پنجاب اچ بلوکی اچ قبضہ مافیا توں چھڑائی گی 2500 ایکڑ زمین تے شجر کاری کیتی ویسی۔ ایں مہم تحت آندے ڈو مہینے دوران ملک اچ 15 کروڑ درخت لاتے ویسن۔ ایں مہم دے ذریعے پاکستان تحریک انصاف دی حکومت کلین اینڈ گرین پاکستان دے اپنڑے وعدے کوں پورا کرنڑ آلے پاسے گامزن ہے۔
