اسلام آباد ۔ 17 فروری (اے پی پی)وزیراعظم عمران خان سعودی ولی عہد کوں آپ گاڈی چلا تے وزیر اعظم ہاوس گھن گین۔نور خان ایئرپورٹ دے معزز سعودی مہمان شہزادہ محمد بن سلمان دے شاندار استقبال توں بعد انہاں کوں وزیر اعظم ہاوس پچایا گئے۔ ایں موقع تے خیر سگالی جذبے اتے سعودی مہمان نال محبت وعقیدت دے اظہار دے طور تے وزیر اعظم عمران خان آپ گاڈی چلائی ۔گاڈی اچ سعودی ولی عہد محمد بن سلمان بہوں خوشگوار مود اچ ڈسین جیہڑے سارے رستے وزیر اعظم نال کھلدے الویندے آئن۔ایں دوران ایئرپورٹ توں وزیر اعظم ہاوس تئیں سارے رستے مختلف ثقافتی گروپاں مہمان کوں خوش آمدید آکھنڑ کیتے روایت رقص پیش کریندے رہین۔سعودی مہمان دا اے شاندار استقبال ڈوہان ملکاں اتے ایندے عوام وچال تاریخی تعلقات، گھاٹی سنگت اتے محبت و عقیدت دا عکاس اے۔
