اسلام آباد۔17فروری(اے پی پی)وزیراعظم ہاوس اچ سعودی ولی عہدشہزادہ محمد بن سلمان دے اعزاز اچ شاندار استقبالیہ ڈتا گئے۔ایں موقعے تے پاک فوج دے چاک و چوبند دستے معزز مہمان کوں گاڈ آف آنرڈتے اتے سلامی پیش کیتی۔ سعودی ولی عہد وزیراعظم ہاوس اچ فوجی پریڈ دا وی معائنہ کیتے۔ استقبالیہ تقریب اچ ڈوہاں ملکاں دے قومی ترانے وجائے گین۔ وزیراعظم عمران خان سعودی ولی عہد شہزازہ محمد بن سلمان نال وفاقی کابینہ دے ارکان نال تعارف کرائے جڈاں جو سعودی ولی عہدوی وزیر اعظم کوںسعودی عرب دے اعلیٰ سطح وفد دے ارکان نال ملوائے۔ سعودی ولی عہد وزیراعظم ہاوس اچ یادگاری بوٹا وی لائے۔ایں توں پہلے ایئرپورٹ تے معززمہمان دا وزیر اعظم عمران خان ، آرمی چیف جنرل قمر جاوید باجوہ اتے وزیر مہمانداری مخدوم خسرو بختیار استقبال کیتے اتے وزیر اعظم عمران خان مہمان کون اپنڑے نال گھن تے آپ گاڈی چلیندے ہوئے وزیر اعظم ہاوس گھن آئن جتھاں استقبال کیتے وزیر خارجہ شاہ محمود قریشی دی اگوانڑی اچ وفاقی کابینہ دا وفدموجود ہا۔
