اسلام آباد ۔ 19 فروری (اے پی پی) وزیرخارجہ شاہ محمودقریشی وزارت خارجہ دے مڈل ایسٹ ڈویژن، پروٹوکول ڈویژن اتے جی ایس ڈائریکٹوریٹ دے افسراں کوں سعودی ولی عہد شہزادہ محمد بن سلمان دے دورہ پاکستان دے بہترین انتظامات تے شاباش اتے مبارخباد ڈتی ہے۔ وزیر خارجہ آکھیے جو دورہ دوران ڈوہائیں ملکاں وچال جیرھا معاہدے تھئے اوہ پاکستان اتے پاکستانی عوام سانگے اہمیت رکھیندن۔ وزیرخارجہ منگل کو ں وزارت خارجہ دے افسراں دے اعزاز اچ چاہ دا انتظام کیتا۔ تقریب اچ سیکرٹری خارجہ تہمینہ جنجوعہ سمیت وزارت خارجہ دے اعلیٰ حکام شرکت کیتی ۔ وزیرخارجہ آکھیے جو ا وہ سعودی ولی عہد شہزادہ محمد بن سلمان دے تریخی استقبال دے شاندار انتظامات کرنڑ تے سارے افسراں کوں مبارخباد پیش کریندن۔ انہاں آکھیے جو ایں دورہ دوران پاکستان اتے سعودی عرب وچال جیرھامعاہدے تھئے اوہ پاکستان اتے پاکستانی عوام سانگے وڈی اہمیت رکھیندن ۔ وزیرخارجہ آکھیے جو وزیراعظم عمران خان دی درخواست تے سعودی عرب ولوں 2107 قیدیاں دی رہائی دا اعلان اتے سعودی عرب ولوں ویزہ فیس اچ گھٹکی، خیر سگالی دے ایجھا اقدامات ہن ، پوری قوم ایندی تعریف کیتی ہے۔
