وزیر اعظم عمران خان دی پورے ملک دی ہائیکورٹ بار ایسوسی ایشنز دے نویں منتخب عہدیداراں کوں مبارخ

اسلام آباد ۔ 24فروری(اے پی پی)وزیر اعظم عمران خان پورے ملک دیاں ہائیکورٹ بار ایسوسی ایشنز دے نویں منتخب عہدیداراں کوں مبارخ ڈتی اے ۔ وزیر اعظم آفس دے میڈیا ونگ توں اتوار کوں جاری کیتے گے بیان دے مطابق وزیر اعظم آکھیا جو بار ایسوسی ایشنز اپنڑے موثر کردار دے ذریعے قانون دی حکمرانی، اداریں دے استحکام اتے ملک اچ جمہوری روایات دے ودھارے کیتے اہم کردار ادا کریندن۔انہاں ایں اعتماد دا اظہار کیتا جو نویں منتخب قانونی برادری ملک اچ انصاف دے نظام کوں مزید مستحکم بنڑاونڑ تے وکلا براداری دے مسلیں دے حل کیتے اپنڑاں کردار جاری رکھیسی ۔انہاں آکھیا وکلاءبرادری کوں حکومت دے اصلاحات دے ایجنڈے کوں کامیاب بنڑاونڑ کیتے حکومت دے نال رل تے مزید محنت نال کم کرنڑاں ہوسی ۔