وزیر اعظم عمران خان متحدہ عرب امارات دے ہک ڈینھ دے دورے تے روانہ

اسلام آباد ۔10 فروری(اے پی پی)وزیر اعظم عمران خان شیخ محمد بن راشد المکتوم دی دعوت تے اتوار کوں متحدہ عرب امارات دے ہک ڈینھ دے دورے تے روانہ تھی گن ۔ وزیر خارجہ مخدوم شاہ محمود قریشی ،وزیرخزانہ اسد عمر ،وزیر بحری امور سید علی حیدر زیدی ، وزیر اعظم دے مشیر تجارت عبدالرزاق داﺅد اتے وزیر اعظم دے معاون خصوصی اصلاحات ڈاکٹر عشرت حسین وی وزیراعظم دے کٹھے ہن ۔ وزیراعظم میڈیا آفس ولوں جاری کیتی گی تفصیلات مطابق وزیراعظم اپنڑے دورے دوران 7ویں عالمی حکومتی اجلاس نال خطاب کریسن اتے پاکستان اچ سرمایہ کاری دے مواقع تے روشنی پیسن ۔ وزیر اعظم عمران خان اپنڑے خطاب اچ حکومتی ترجیحات اتے وژن تے وی گالھ بات کریسن۔ وزیر اعظم متحدہ عرب امارات دی قیادت نال ملاقاتاں وی کریسن۔ وزیر اطلاعات چوہدری فواد حسین ، وزیر بحری امور علی حیدر زیدی اتے معاون خصوصی اوورسیز پاکستانیز ذوالفقار بخاری وفود دی سطح تے تھیونڑ آلیاں ملاقاتاں اچ شریک تھیسن۔