اسلام آباد ۔ 19 فروری (اے پی پی) وفاقی وزیر ریلوے شیخ رشید احمد آکھیے جو اج وزیراعظم پاکستان عمران خان 20 کروڑ پاکستانیاں دی ترجمانی کیتی اے اگر امن دی گال کریسو تاں امن دی گال تھیسی جنگ دی گال کریسوں تاں جنگ دی گال تھیسی۔وفاقی ویر منگل کوں جاری بیان اچ آکھیے جو وزیراعظم پاکستان عمران خان واضح الفاظ اچ آکھیے جو پاکستان دہشت گردی دے خلاف اے تے عمران خان ہک واضح پیغام ڈتے جو اج سارے ہندوستان دے مسلماناں تے جیرھا ظلم کیتا ویندا پئے ایندی وجہ مسئلہ کشمیر اے جیرھا جو اقوام متحدہ دیاں قرارداداں دے مطابق حل تھیونڑاں چاہیدے ۔انہاں آکھیا وزیراعظم پاکستان واضح پیغام ڈتے جو اساں کوئی کنگڑیاں کائنی پاتیاں ہویاں ،اگر کہیں پاکستان کوں میلی اکھ ڈٹھی تاں او اکھیں کڈھ ڈیسوں نہ ولا گھاہ جمسی نہ چیڑیاں چیکسن تے نہ مندراں اچ گھنٹیاں وجسن کیوں جو پاکستان مسلماناں دا او قلعہ اے جیں کوں ساری دنیا دے مسلمان ڈیکھدے پن۔
