وزیر خارجہ شاہ محمود قریشی خمیس کوں اہم دورے تے جرمنی ویسن

APP73-13 ISLAMABAD: February 13 – Federal Minister for Information and Broadcasting Chaudhry Fawad Hussain and Foreign Minister Shah Mahmood Qureshi jointly addressing a press conference at Foreign Office. APP photo by Irfan Mahmood

اسلام آباد ۔ 13 فروری (اے پی پی)وزیر خارجہ شاہ محمود قریشی (اج)خمیس کوں اہم دورے تے جرمنی ویسن جتھاں او مختلف ملکاں دے وزرا خارجہ سودھے امریکی سینیٹرز اتے ارکان کانگریس نال مختلف علاقائی اتے عالمی معاملیاں تے گالھ مہاڑ کریسن۔ اے گالھ وزیر خارجہ شاہ محمود قریشی اسلام آباد اچ ہک پریس بریفنگ ویلھے ڈسائی۔ انہاں دا آکھنڑ ہا جو او جرمنی اچ افغانستان دے صدر اشرف غنی نال ملسن اتے انہاں دی ملاقات جرمن وزیر خارجہ ، ازبک وزیر خارجہ، روس اتے کینیڈا دے وزرائے خارجہ نال طے ہے جڈاں جو او اتھاں نوںامریکی سینیٹر زاتے ڈاہ کانگریس ارکان نال وی پندرہاں فروری کوں ملاقات کریسن۔انہاںا ٓکھیا جو او انہاں ملاقاتاں اچ افغانستان اتے خطے دی تبدیل تھیندی صورتحال تے پاکستان دا نقطہ نظر پیش کریسن،افغان قیادت دے نمائندیاں نال امن سانگے گالھ مہاڑ کیتے خطے دے دوست ملکاںد ا کردار اہم رہے، ایندے اچ سارے فریقین کوں شامل کریسوں تاں جو امن کیتے علاقائی اتفاق رائے پیدا تھیوے۔امریکا نال تعلقات دے حوالے نال انہاں اطمینان دا اظہار کیتے جو امریکا نال ہک وڈے عرصے بعد تعلقات اچ سرد مہری مک گئی اے،اساں امریکا نال اپنڑے تعلقات کوں تعاون دیاں نویاں جہتاں دو گھن ویسوں، ایں توں پہلے امریکی حکام نال ملاقاتاں مثبت اتے مفید رہین، پاکستان بارے زلمے خلیل زاددے ریمارکس حوصلہ افزا ہین ایندے نال ڈوہاں ملکاں دے تعلقات چنگے ٹورنڑ دی راہ نکلسی۔