اسلام آباد ۔ 10 فروری (اے پی پی) وزیر خارجہ مخدوم شاہ محمود قریشی آکھیے جومتحدہ عرب امارات اچ گلوبل گورننس سمٹ اچ وزیر اعظم عمران خان بطور کلیدی سپیکر خیالیں دا اظہار کریسن،وزیر اعظم دی کوشش ہے جوا وہ ایجھا ماڈل متعارف کراونڑ اتے ایجھی ادارہ جاتی اصلاحات سامنڑے گھن آونڑ ،تاں اداریاں دی پرفارمنس ٹھیک کیتی ونج جا سگے ،عمران خان یو اے ای دے کراﺅن پرنس اتے بی اعلیٰ قیادت دے نال ڈو طرفہ تعلقات دے حوالے نال ملاقاتاں اتے مذاکرات وی کریسن۔ انہاں خیالیں دا اظہار وزیر خارجہ اتوار کوں وزیراعظم عمران خان دے کٹھے متحدہ عرب امارات دے ہک ڈینھ دے دورے تے روانہ تھیونڑ توں پہلے میڈیا نال گالھ بات کریندے ہوئیں کیتے۔ وفاقی وزیر آکھیے جوا یہ متحدہ عرب امارات دا ہک ڈینھ دا دورہ ہے جیندی وزیراعظم کوں دعوت ڈتی گی ،متحدہ عرب امارات اچ گلوبل گورنس سمٹ منعقد تھیندا پئے جیندے اچ وزیر اعظم عمران خان بطور کلیدی سپیکر خیالیں دا اظہار کریسن،گورنس ہک ایجھا ایشو ہے جیندی اساڈے خطے کوں اتے خاص طور تے پاکستان کوں وڈی ضرورت ہے۔وزیر خارجہ آکھیاجو اساڈے ڈھگ سارے مسئلےاں دی بری گورننس دی وجہ نال وزیر اعظم دی کوشش ہے جواوہ ایجھا ماڈل متعارف کراسگن اتے ایجھی ادارہ جاتی اصلاحات سامنڑے گھن آونڑ ،تاں جو اداریاں دی پرفارمنس اچ چنگائی لاتی ونج جا سگے۔ دورہ متحدہ عرب امارات داڈوجھا پہلو ایہ ہے جو اساڈی آئی ایم ایف دے سربراہ نال میٹنگ تھیسی، پاکستان چاہندے جوا وہ آئی ایم ایف توں ایجھی شرطاں نال اگی تے ودھے ،جیرھیاں عوام سانگے فائدہ ڈیونڑ۔انہاں ڈسائے جوایں موقع تے متحدہ عرب امارات دے کراون پرنس اتے اعلیٰ قیادت دے نال ڈو طرفہ تعلقات دے حوالے نال ملاقات تھیسی اتے مذاکرات وی تھیسن۔
