اسلام آباد ۔ 12 فروری (اے پی پی) وزیر خارجہ مخدوم شاہ محمود قریشی نال سابق آرمی چیف واسلامی فوجی اتحاد دے کمانڈر ان چیف جنرل (ر) راحیل شریف منگل کوں اتھاں وزارت خارجہ اچ ملاقات کیتی۔ ملاقات اچ علاقائی امن تے استحکام سمیت سانجھی دلچسپی دے امور تے گال مہاڑ تھئی۔ جنرل (ر) راحیل شریف وزیر خارجہ کوں دہشت گردی دے خلاف اسلامی فوجی اتحاد دے اقدامات بارے ڈسایا۔ وزیر خارجہ علاقائی امن تے سلامتی سانگے اسلامی فوجی اتحاددیاں کوششاں دی تعریف کیتی ۔ واضح رہے جو اے اسلامی فوجی اتحاد 15 دسمبر 2015ءکوں بنڑیا ،جیندے اچ ابتدائی طور تے 34 ملک شامل ہن، بعدا چ ایندی تعداد 41 تھی گی۔ اسلامی فوجی اتحاد دے پہلے کمانڈر پاکستانی فوج دے سابق سربراہ ریٹائرڈ جنرل (ر) راحیل شریف کوں بنڑایا گیا اتے حالی وی ا و اسلامی ملکاں دے فوجی اتحاد دی قیادت دے فرائض سر انجام ڈیندے پن۔ اسلامی فوجی اتحاد دے قیام دا مقصد اسلامی ملکاں توں دہشت گردی کوں مکاونڑ سانگے کوششاں کرنڑ ہے۔
