اسلام آباد ۔16فروری(اے پی پی) وزیر خارجہ مخدوم شاہ محمود قریشی مشترکہ مقاصد سانگے پاکستان اتے امریکا دے رابطیاں دی وسعت اتے استحکام دی لوڑھ تے زور ڈیندے آکھیے جو پاکستان امریکا نال تجارت، توانائی اتے کاروباری شعبیاں اچ تعاون ودھاونڑ چاہندے۔دفتر خارجہ دے مطابق میونخ اچ گلوبل سیکورٹی کانفرنس دے موقع تے امریکی قانون سازاں دے وفد وزیر خارجہ نال ملین ۔ وفد اچ 8 سینیٹرز اتے 10 کانگریس اراکین شامل ہن۔ وفد دی اگوانڑی ریپبلکن سینیٹر لنڈ سے گراہم کریندے پئے ہن۔سینیٹر لنڈ سے گراہم پاکستان اتے امریکا وچال آزاد تجارتی معاہدے (ایف ٹی اے) دے قیام تے زورڈتا۔
