اسلام آباد ۔ 24 فروری (اے پی پی)وزیر خارجہ مخدوم شاہ محمود قریشی وزارتِ خارجہ اچ سابقہ خارجہ سیکریٹریز ،سفارتکاراں نال اہم ملاقات کیتی اے ۔ اے مشاورتی اجلاس مقبوضہ کشمیر دی وگرڈی ہوئی صورت حال تے بھارت دے جارحانہ عزائم کوں سامنڑے رکھیندے ہوئیں سڈیا گیا ہئی۔ایں موقع تے مخدوم شاہ محمود قریشی آکھیا جو سابق سیکرٹریز خارجہ اتے سفارتکاراں نال مشاورت دا مقصد انہاں دے وسیع تجربیں توں فائدہ چیندے ہوئیں موجودہ صورتحال اچ ہک جامع اتے مربوط لائحہ عمل مرتب کرنڑاں اے ۔سابق خارجہ سیکریٹریز دے نال مقبوضہ جموں و کشمیر دی صورتحال سمیت بہوں سارے اہم خارجہ پالیسی امور تے وی مشاورت فائدہ مند رہی ۔ انہاں آکھیا اساڈی کوشش ہوسی جو مشاورت دا اے سلسلہ اگی تے وی جاری رہے۔
