اسلام آباد ۔ 8 فروری (اے پی پی) وفاقی وزیر برائے مواصلات و پوسٹل سروسز مراد سعید ملتان سکھر موٹر وے منصوبہ اچ ستر ارب روپے دی کرپشن دا انکشاف کریندے ہوئیں اعلان کیتے جو ایندے سارے ثبوت نیب کوں ڈتے ویسن۔انہاںا ٓکھیا جو شریف برادران نال رل تے احسن اقبال اتے جاوید صادق ملتان توں سکھر موٹروے منصوبہ اچ 70 ارب روپے دی کرپشن کیتی، احسن اقبال وزیر پلاننگ ہوندیں وزیراعظم دے متبادل دے طورتے دستخط کیتن، نیب ایں کرپشن منصوبے تے کارروائی شروع کر ڈتی اے،وزارت مواصلات اتے این ایچ اے ثبوت نیب کوں ڈیسی۔ اسلاما ٓباد اچ پریس کانفرنس کریندے ہوئیں مراد سعید آکھیا جو مسلم لیگ ن میگا پراجیکٹس کرپشن اتے مال پانڑی بنڑاونڑکیتے شروع کیتن، انہاں کون عوام دا کوئی درد ہوندا تاں انہاں منصوبیاں اچ شفافیت ہوندی۔انہاںا ٓکھیا جوجولائی 2013ءاچ چائنہ سٹیٹ کمپنی کوں ٹھیکہ ڈیواونڑ کیتے جاوید صادق ایجنٹ دے طورتے احسن اقبال کوں کمپنی حکام نال ملوائے، ہنڑ گرفتاریاں دے ڈر توں احسن اقبال اتے انہاں دے حواری ہرجاہ تے شور مچائی ودن۔ انہاں آکھیے جو منصوبے اچ ستر ارب روپے دا کمیشن کھادا گئے جیندے انعام اچ وزیر پلاننگ اتے شریف برادران منصوبے اچ ٹھیکے دار بنڑیندے ہوئیں جاوید صادق کوں ڈائریکٹر بنڑوا ڈتے، شریف برادران این ایچ اے حکام تے زور پا تے 259 ارب روپے دے منصوبہ دی لاگت دا ٹھیکہ ودھا تے 292 ارب روپے اچ مذکورہ کمپنی کوں ڈتے جیکوں بعد اچ چار سو چھی ارب روپے کر ڈتا گئے، کرپشن دی حد اے ہے جو نواز شریف این ایچ اے دے بھاری ٹھیکیاں اچ کرپشن کیتے وزارت مواصلات دا قلمدان اپنڑے ہتھ رکھیا ہویا ہا جڈاں جوٹھیکہ گھنڑ آلی کمپنی کوں ہی فزیبلٹی رپورٹ، کنسلٹنسی اتے زمین گھنڑ دے اختیارات ڈتے گین۔انہاںا ٓکھیا جو اساں کرپشن پکڑیندے پئے ہیں اتے نظام اچ شفافیت گھدی ا ٓندے ہیں تاں جو اگو تے کوئی ملک کوں نہ لٹ سگے۔مراد سعید آکھیے جو ستارہاں وڈے سڑک منصوبیاں داخصوصی آڈٹ کریسوں،کرپشن بے نقاب کیتی ویسی ،شہبازشریف میڈے الزامات کون کوڑا قرار ڈتے تاں میڈے چیلنج تے گالھ کرنڑ دی بجائے کنی کرا گین۔مراد سعید آکھیا جو آندے ترائے سال اساں سڑکاں بنڑاونڑ کیتے حکومت توں کوئی فنڈ نہ گھنسوں بھل ایں دوران اتنا ریونیو کٹھا کر تے ڈیسوں جو اپنڑے منصوبے وی شروع کروں اتے وادھو آمدن صحت و تعلیم تے وی خرچ کر سگوں۔
