اسلام آباد ۔ 26 فروری (اے پی پی) وفاقی وزیر امور کشمیر و گلگت بلتستان علی امین خان گنڈاپور بھارتی جہازاں دی آزاد کشمیر اچ دراندازی دی شدید مذمت کریندے آکھیے جو ہر قسم دی مہم جوئی دا بھرپور جواب ڈتا ویسی، پاکستان دا دفاع ناقابل تسخیراے ،ساڈیاں افواج دیاں صلاحیتاں کوں جانڑدن۔پی ٹی آئی دی میڈیا ڈیپارٹمنٹ دے مطابق وفاقی وزیر امور کشمیر و گلگت بلتستان علی امین خان گنڈاپورآکھیے جوبھارت ساڈے صبر کوں نہ آزماوے، مودی انتخابات کیتے خطے دا امن تباہ کرنڑ تے تلیا ہوئے،جیکر خطے دا امن تباہ تھیا تاں ایندا ذمہ دار بھارت اتے مودی ہوسی،پاکستان اتے آزاد کشمیر دا ہک ہک بال بھارتی جارحیت دا سامنڑا کرنڑ کوں تیار اے۔
