اسلام آباد ۔ 11 فروری (اے پی پی) وفاقی وزیر برائے بین الصوبائی رابطہ ڈاکٹر فہمیدہ مرزا دے زیر صدارت اجلاس تھئے جیندے اچ وزارت داخلہ ، خارجہ، خزانہ اتے اطلاعات و نشریات سودے چارے صوبیاں دے نمائندیاں شرکت کیتی ۔اجلاس نال خطاب اچ وفاقی وزیر ڈاکٹر فہمیدہ مرزاآکھیا جو پاک چین سنگت کوں بیا اگو تے ٹورنڑ کیتے کئی معاہدے تھی چکین بھل ساکوں ایندے توں وی ودھ تے کم کرنڑے،ساکوں صوبائی ہی نئیں ہر سطح تے چین نال تعلقات ودھاونڑ کیتے رل مل تے کم کرنڑاں ہوسی جیندے کیتے وزارت بین الصوبائی رابطہ فوکل منسٹری دا کردار ادا کریسی۔انہان ہدایت کیتی جو سارے صوبے اتے بلدیاتی حکومتاں دے نمائندے چین نال تعلقات کوں وسعت ڈیونڑ دی حکمت عملی بنڑاون ۔
