وفاقی وزیر پٹرولیم و قدرتی وسائل غلام سرور خان دی پریس کانفرنس

APP11-02 ISLAMABAD: February 02 - Federal Minister for Petroleum Ghulam Sarwar Khan and Special Assistant to PM Iftikhar Durrani addressing press conference. APP photo by Saleem Rana

اسلام آباد ۔ 2 فروری (اے پی پی) وفاقی وزیر پٹرولیم و قدرتی وسائل غلام سرور خان آکھیے جو ماضی دیاں حکومتاں دی بد انتظامی تے مالی بے ضابطگیاں پاروں گیس کمپنیاں دے ودھ بلاں دا بوجھ عوام کوں برداشت کرنڑاں پیا جیں دا اساکوں ڈکھ اے ،عوام کوں وختی ریلیف ڈیونڑ کیتے اساں گیس بلاں دیاں سوکھیاں قسطاں کرنڑ تے کنکشن منقطع کرنڑ دی ہدایت جاری کیتی اے ۔او ہفتے کوں اتھاں پریس کانفرنس نال خطاب پئے ہن ۔پریس کانفرنس نال خطاب کریندے ہوئیں انہاں آکھیا جو آندے موسم پالے توں پہلے تیل تے گیس دی تلاش اچ پیشرفت نال عوام کوں مستقل ریلیف ملسی۔انہاں آکھیا بدقسمتی نال سیاست اچ سچ گھٹ بولیا ویندے لیکن اساں فیصلہ کیتے جو سچ بولنڑاں اے تے حقائق عوام کوں ڈساونڑیں ہن ۔انہاں آکھیا ماضی دی حکومت اکھیندی اے جو اساں پنج سال اچ گیس دی قیمت کائنی ودھائی لیکن انہاں عوام کوں اے کائنی ڈسیا جو اساں مہانگی گیس گھن تے ڈیندے پیوں جیں دی وجہ توں سوئی سدرن اتے سوئی ناردرن گیس پائپ لائن دیاں ڈوہیں کمپنیاں گھاٹے دا شکار ہن ۔