ٹیکس ڈائریکٹریز دی اشاعت نال مالیاتی امور اچ شفافیت، ٹیکس کلچر ودھارے تے ٹیکس گوشوارے جمع کراونڑ دے حوالے نال شہریاں دی حوصلہ افزائی تھیسی، وزیر مملکت ریونیو محمد حماد اظہر دا تقریب نال خطاب

اسلام آباد ۔ 22 فروری (اے پی پی) فیڈرل بورڈ آف ریونیو (ایف بی آر) مسلسل پنجویں واری عام ٹیکس گزاراں اتے ارکان پارلیمنٹ دی انجھ انجھ آن لائن ٹیکس ڈائریکٹریز جاری کرڈتن ۔ اے ڈائریکٹریز ٹیکس سال 2017 اچ جمع کرائے گے ٹیکس متعلق تفصیلات تے مبنی ہن۔ ٹیکس ڈائریکٹریز دا باقاعدہ اجراءجمعے کوں اتھاں ایف بی آر ہاﺅس اچ کیتا گیا۔ وزیر مملکت ریونیو محمد حماد اظہر ٹیکس ڈائریکٹریز ٹیکس سال 2017 دا اجراءکیتا ۔ چیئرمین ایف بی آر، ممبرز تے بئے سینئر حکام وی ایں موقع تے موجود ہن۔ ایں موقع تےے خطاب کریندے ہوئیں وزیر مملکت آکھیا جو ٹیکس ڈائریکٹریز دی اشاعت نال مالیاتی امور اچ شفافیت آونڑ دے نال نال ملک اچ ٹیکس کلچر کوں ودھارا ڈیونڑ تے ٹیکس گوشوارے جمع کراونڑ دے حوالے نال شہریاں دی حوصلہ افزائی تھیسی۔ انہاں آکھیا جو ٹیکس ڈائریکٹریز دی اشاعت دی ابتداءفن لینڈ اچ تھئی تے ہنڑ پاکستان وی انہاں کجھ ملکاں اچ شامل تھیوے جیرھے جو باقاعدگی نال ٹیکس ڈائریکٹریز دا اجراءکریندن ۔