پاکستان اتے بھارت ڈے گال مہاڑ دے علاوہ کوئی حل کائنی، وزیر خارجہ شاہ محمود قریشی

اسلام آباد ۔ 8 فروری (اے پی پی) وزیر خارجہ شاہ محمود قریشی آکھیے جو پاکستان تے بھارت ڈے گال مہاڑ دے علاوہ بیاں کوئی حل کائنی،افغانستان اچ امن چاہندون ،مصالحتی کوششاں اچ انہاں دی مدد کیتی اے تے مدد جاری رکھیسوں اساں بہتری دا آغاز کر ڈتے تے پہلے سو ڈینھ دی رپورٹ اچ اینکوں شامل کرڈتے ،اساڈے سارے ادارے خسارے اچ ملین، پی آئی اے، سٹیل مل اتے سارے ادارے بری حالت اچ ہن لیکن انشاءاللہ بہتری آسی، 70 سال دا وگاڑ رات و رات درست کائنی تھیندا،اساں اصلاح دا عمل شروع کر ڈتے ۔اے گال انہاں مانچسٹر اچ پریس کانفرنس نال خطاب کریندے ہوئیں آکھی ۔ وزیر خارجہ آکھیا اگر تساں توقع کریندو جو 70 سال داوگاڑ وختی ٹھیک تھیوے تاں ایجھا الہ دین دا چراغ اساں ڈے کائنی لیکن اساں بہتری دا آغاز کر ڈتے ،ہنڑ تساں انہاں توں وی پچھو جنہاں پچھلے کئی دہائیاں توں ملک دی لٹ مار کیتی تے اے اداریں کوں برباد کیتے ۔انہاں آکھیا حکومت اووسیز پاکستانیز کیتے بہوں سارے اقدامات کیتن تاں جو اوورسیز پاکستانیز سوکھیں پاکستان اچ بزنس کر سگن ۔کشمیر متعلق وزیر خارجہ آکھیا جو پچھلی حکومتاں دا کشمیر تے معذرت خواہانہ رویہ ہئی لیکن 4 فروری کوں برطانوی پارلیمنٹ اچ منعقدہ انٹرنیشنل کشمیر کانفرنس اچ جیرھی متفقہ قرارداد منظور تھئی اے جیں کوں پاکستان دیاں ساریاں جماعتاں دی تائید حاصل رہی ہک واضح پیغام اے ۔ پاک۔بھارت تعلقات دے حوالے نال وزیر خارجہ آکھیا جو پاکستان اتے بھارت دے گال مہاڑ دے علاوہ کائی حل کائنی،اساں سمجھدوں جو بھارت اچ انتخابات تھیونڑ آلے ہن جیں دی وجہ توں او اساڈے نال گال مہاڑ توں بھجدے پن ،اساں امن چاہندوں ،جڈاں بھارت گال کرنڑ کیتے تیار تھیسی اساں گال کرنڑ کیتے تیار ہوسوں ۔