پاکستان اتے سعودی عرب گھاٹے سنگتی ہیں، سعودی ولی عہد دے بہوں تانگھی ہیں، وفاقی وزیر مذہبی امور

اسلام آباد ۔ 11 فروری (اے پی پی)وفاقی وزیر مذہبی امور ڈاکٹر نور الحق قادری آکھیے جو پاکستان اتے سعودی عرب گھاٹے سنگتی ہیں، سعودی ولی عہد دے بہوں تانگھی ہیں، مسلہ کشمیر، مشرق وسطیٰ اتے فلسطین دی صورتحال تے پاکستان اتے سعودی عرب ہکی جھیں خیالات رکھدن۔ اے گالھ انہاں اسلام ا ٓباد اچ پاک سعودی عرب فرینڈ شپ کانفرنس نال خطاب کریندے آکھی۔انہاںا ٓکھیا جو بہوں ویلھے بعد سعودی ولی عہد دے آونڑ نال پاکستان سعودی عرب سنگت ہی نئیں خطے تے وی چنگے اثرات پوسن،ایں سنگت تے ہر سیاسی جماعت، حکومت اتے پورا ملک مانڑ کریندے کیوں جو مسلم امہ اچ پاکستان دی اکھ صرف سعودی عرب دو ہی راہندی اے اتے اساں ہک بئے دے تاریخی اتے مذہبی سنگتی ہیں اتے ہر اوکھے سوکھے ویلھے دے بانہہ بیل ہیں۔انہاں آکھیا جو افغانستان، کشمیر اتے فلسطین دے مسلیاں دا حل پاکستان اتے سعودی عرب ہی رل تے کڈھسن۔