اسلام آباد ۔ 16 فروری (اے پی پی) مذہبی جماعتاں دے رہنماواں سعودی ولی عہد شہزادہ محمد بن سلمان دے دورہ پاکستان کو ںخوش آئند قرارڈیندے ہوئیں آکھیے جو ڈوہائیں ملکان دے تعلقات بئے ودھسن ، سعودی عرب دا عالم اسلام اچ ہمیشہ قائدانہ کرداررہے اتے ہر مشکل ویلھے اچ پاکستان دی مدد کیتی ۔جمیعت علماءاسلام(ف) دے رہنما سینیٹر مولانا عطا الرحمان آکھیے جو سعودی ولی عہد محمد بن سلمان دادورہ پاکستان خوش آئندہ ہے،ایندی مدد نال معیشت سمیت بئے شعبیں اچ مدد ملسی۔انہاں آکھیے جومکہ اتے مدینہ مسلماناں دے مرکز ہن ،جیندی وجہ نال سعودی عرب کوں ساری دنیا اچ قدر نال ڈٹھا ویندے ۔انہاں آکھیے جو سعودی عرب دے پاکستان نال شروع توں ہی بھرپی آلے تعلقات ہن ،سعودی عرب ہمیشہ ہر مشکل ٹائم اچ پاکستان نال مونڈھے نال مونڈھا لا تے کھڑا تھئے ۔مولانا عطا الرحمان آکھیے جو سعودی حکومت کوں اپنڑے ملک اچ محنت مشقت کرنڑ آلے غیر ملکیاں سانگے آسانیاں پیدا کرنڑ چاہیدن کیونجو ساری دنیا توں وڈی تعداد اچ لوک سعودی عرب اچ مزدوری کریندے پن، حالیہ قنون دی وجہ نال انھاں کوں مشکلات ہن۔مرکزی جمعیت اہل حدیث عالمی دے امیر علامہ طارق محمود یزدانی آکھیے جو سعودی لی عہد دے دورے نال پاکستان دی سعودیہ نال یاری مضبوط تھیسی۔نائب امیر جماعت اسلامی میاں محمد اسلم آکھیے جو سعودی ولی عہد محمد بن سلمان دا دورہ تریخی حیثیت رکھیسی، ایندے نال ملکی معیشت کوں ہک نویں جہت ملسی۔انہاں آکھیے جو وزیر اعظم عمران خان سعودی ولی عہد شہزادہ محمد بن سلمان نال ملاقات دوران انہاں کوں سعودی عرب اچ کم کرنڑ آلے پاکستانیاں دے مسئلیاں بارے ڈسیندے ہوئیں انہاں دے حل سانگے فوری اقدامات دا مطالبہ کرن۔
