اسلام آباد ۔ 20 فروری (اے پی پی) وفاقی وزیر آبی وسائل فیصل واوڈا نال پاکستان اچ ہنگری دے سفیر استوان سےزیبو بدھ کوں اتھاں ملاقات کیتی تے سانجھے دلچسپی دے امور تے گال مہاڑ کیتی گئی ۔ انہاں نال گال مہاڑکریندے ہوئیں فیصل واوڈا آکھیا جو پاکستان اتے ہنگری دے درمیان آبی وسائل دے شعبے اچ تعاون کیتے مفاہمت دی یادداشت آخری مرحلے اچ ہے تے توقع اے جو ایندے تے وختی دستخط تھیسن ۔ ہنگری دے سفیر آکھیا جو ڈوہیں ملکاں وچال سانجھا اقتصادی کمیشن اجوکے سال قائم تھی ویسی۔ فیصل واوڈا ہنگری دے سرمایہ کاراں کوں پاکستان اچ آبی وسائل دے منصوبیں اچ سرمایہ کاری دی دعوت ڈتی تے کراچی اچ پانڑیں دی فراہمی دے آزمائشی منصوبے اچ تعاون دا خیرمقدم کیتا ۔ ہنگری دے سفیر پاکستان دی حکومت دے رلے کم کرنڑ دے عزم دا اظہار کیتا تے آکھیا جو پاکستان ہک بہترین ملک اے ۔ وزیراعظم عمران خان دی حکومت ملک کیتے ہک تازی ہوا دا جھونکا ئے۔
