اسلام آباد ۔ 15 فروری (اے پی پی) وزیر خارجہ شاہ محمود قریشی آکھیے جو پاکستان افغانستان اچ امن کیتے اپنڑا کرداراگیںا ٓلی کار جاری رکھیسی،میونخ عالمی سیکورٹی کانفرنس اچ پورے جگ دے وزرائے خارجہ، دفاع اتے سیکورٹی ماہرین دے آونڑ نال اہم عالمی، علاقائی معاملات تے صلاح مشورے نال ہکو جھین منصوبہ بندی کرنڑ اچ مدد ملسی۔ اے گالھ وزیر خارجہ شاہ محمود قریشی جرمنی دے شہر میونخ اچ بین الاقوامی سیکورٹی کانفرنس دے موقع تے جرمن اخبارنال گالھ مہاڑکریندے آکھی۔انہاں آکھیے جو کانفرس اہم علاقائی اتے عالمی مسلیاں دا حل کڈھنر کیتے ہک اہم فورم اے، اپاکستان ہمیشہ توں افغانستان اچ امن اتے پائیدار ترقی کیتے اپنڑا پورا کردار ادا کیتے کیوں جو افغانستان اچ امن نال ہی پاکستان دا امن اتے سلامتی جڑی ہوئی اے، پاکستان افغانستان اچ امن کیتے کردار ادا کریندا راہسی، اے پاکستان ہی ہے جین جگ کوں اے منوائے جو مسلیاں دا حل صرف مذاکرات نال ہی ممکن تھی سگدے۔پلوامہ حملے دے حوالے نال وزیر خارجہ آکھیا جو اساں شروع توں ہی بھارت سودھے سارے ہمسایہ ملکاں نال چنگے تعلقات دی خواہش کیتی اے، ایں بارے وزیراعظم دا موقف وی ریکارڈ تے ہے، بھارت کوں وی پاکستان تے بے بنیاد الزام بازی توں گریز کرنڑاں چاہیدے۔
