پاکستان جوابی کاروائی سانگے ویلھا اتے جاہ آپ چنڑسی، ،وزیر خارجہ شاہ محمود قریشی دی وزیر دفاع پرویز خٹک اتے وفاقی وزیر خزانہ اسد عمر رلے پریس کانفرنس

APP11-26 ISLAMABAD: February 26 – Foreign Minister Shah Mahmood Qureshi along with Defence Minister Pervaiz Khattak and Finance Minister Asad Umer addressing a joint press conference at Foreign Office. APP photo by Sadia Haidari

اسلام آباد ۔ 26 فروری (اے پی پی) وزیر خارجہ شاہ محمود قریشی اتے وزیر دفاع پرویز خٹک آکھیا جو بھارت او آئی سے دے بانی رکن پاکستان دے خلاف جارحیے دا ارتکاب اتے سالمیت دی خلاف ورزی اے جئیں دا جواب ڈیونڑ دا حق رکھیندوں،پاکستان جوابی کاروائی سانگے ویلھا اتے جاہ آپ چنڑسی،اے قدم بھارت اچ انتخابی ماحول سانگے بنڑایا گے جئیں خطے دے امن تے استحکام کوں سنگین خطرے توں ڈو چار کرڈتے،قوم کوں مایوس کائنا کریسوں،پاکستان دی سول تے فوجی قیادت بھارتی عزئم کوں سمجھدی اے اتے اوندا جواب ڈیونڑ وی جانڑدی اے ،اجوکی صورتحال اچ بھارت سانگے کہیں فورم تے رعایت دی کوئی گنجائش کائنی،اقوام متحدہ سمیت عالمی اداریاں کوں صورتحال بارے ڈسیسوں۔او منگل کوں وزیر دفاع پرویز خٹک اتے وفاقی وزیر خزانہ اسد عمر رلے پریس کانفرنس کریندے پے ہن ۔پریس کانفرنس دے شروع اچ وزیراعظم عمران خان دی صدارت اچ قومی سلامتی کمیٹی دے خصوصی اجلاس دا اعلامیہ پڑھ تے سنڑایا۔قومی سلامتی کمیٹی بالاکوٹ دے نیڑے دہشت گرد کیمپ کوں ہدف بنڑاونڑ اتے جانی ضیان دے بھارتی دعوے کوں رد کریندیں ہوئیں آکھیا جو ہک واری ولا بھارتی حکومت خودساختہ اتے کوڑا دعویٰ کیتے۔بھارت بلاجواز جارحیت دا ارتکاب کیتے۔اے کم بھارت اچ انتخابی ماحول سانگے کیتا گئے جئیں خطے دے امن تے استحکام کوں سنگین خطرے توں ڈوچار کر ڈتے۔جئیں علاقے اچ حملے دادعویٰ کیتا گئے او دنیا سانگے کھلا پے تاں جو او سچ جانڑ سگن۔ایں سانگے ملکی اتے بین الاقوامی ذرائع ابلاغ کوں اوں جاہ تے گھدی ویندوں۔قوم کوں اعتماد اچ گھندیں ہوئیں حکومت پارلیمنٹ دا سانجھا اجلاس سڈنڑ دا فیصلہ کیتے۔وزیراعظم27فروری کوں نیشنل کمانڈ اتھارٹی (این سی اے) دا خصوصی اجلاس سڈ گھدے۔وزیراعظم ہدایت کیتی جو مسلح فوج اتے پاکستان دی عوام سمیت قومی قوت دے عناصر ہر قسم دے حالات سانگے تیار ہن ۔انہاں آکھیا جو خطے اچ بھارت دی غیر ذمہ دارانہ پالیسی کوں بے نقاب کرنڑ سانگے عالمی قیادت نال رابطے کرنڑ دا فیصلہ کیتے۔وزیراعظم جان تے مال دی کہیں ضیان دے بغیر بھارتی کوششاں کوں پسپا کرنڑ تے پاک فضائیہ دی ویلھے تے کاروائی اتے جوابی کاروائی دی تعریف کیتی۔وزیر خارجہ شاہ محمود قریشی آکھیا جو وزیراعظم عمران خان اپنڑے اجوکے بیان اچ بھارت کوں تعاون دی پیشکش کریندیں ہوئیں آکھیا جو اگر ثبوت ہن تاں اساں تعاون کریسوں،ایں دے باوجود جارحیت کیتی گئی ہنڑ اساں اپنڑاں دفاع دا حق رکھیندوں۔انہاں آخھیا جو بھارتی وزیر خارجہ سشما سوراج دی شرکت بارے گززیل ڈینھ او آئی سی دے ہنگامی اجلاس بارے یو اے ای دے وزیرخارجہ نال تفصیلی گالھ مہاڑ تھئی اے،اساں پاکستان دا نکتہ نظر پیش کر ڈتے،جئیں تے یو آئی اے مشورہ سانگے ویلھا منگیا ہئی ۔انہاں آکھیا جو او آئی سی دے رابطہ گروپ دا اجلاس یو اے ای اچ جاری اے جئیں اچ سیکرٹری خارجہ تہمینہ جنجوعہ شریک ہن اتے پاکستان دا نقطہ نظر پیش کریسن۔