پاکستان دا سرپرائز؛پتا لگدیں ہی مودی دا پگھر چھُٹ گئے،تقریب چھوڑ تے نکل گین

اسلام آباد ۔ 27 فروری (اے پی پی)پاکستان دے سرپرائزداسنڑدے ہی بھڑکاں مریندے بھارتی وزیراعظم نریندرمودی دا پگھر ہی نئیں چھٹیا،ہتھین دے طوطے وی اُڈ گین۔بھارتی میڈیا دی رپورٹ موجب انتخابی مہم دی ہک تقریب اچ بھارتی وزیر اعظم نریندرمودی دی بولتی اوں ویلھے بند تھی گئی جڈاں انہاں خطاب کریندے ہوئیں ہک افسر چِٹ آن ڈتی،جیکوں پڑھدی ہی مودی وِبل گئے جوپاکستان ڈو بھارتی طیارے مار ڈھوائن اتے ڈو افسر پکڑ گھدن۔ایندے تے مودی سٹیج توں ہتھ ہلیندے ہوئے تقریرآدھی اچ چھوڑ تے لگا گئے۔بھارتی وزیر اعظم دے ایں رویے اتے منہ دا رنگ اُڈیا ڈیکھ تے بھارتی میڈیا وی حیران رہ گئے اتے انہاں کوں ودھ تنقید دا نشانہ بنڑائے جوکیا اے اوہو مودی اے جیہڑارات تئیں بڑھکاں مریندا نہ تھکدا ہا بھل جڈاں ویلھا آئے تاں ایندا چاہ بھنوگئے۔