اسلام آباد ۔ 27 فروری (اے پی پی)پاکستان بدھ کوں ستاوی فروری دی سویل بھارت کوں او سرپرائز ڈتے جیں اوندے چیتے بھنوا ڈتن۔بدھ دا ڈینہہ بھارت کیتے ہک قیامت بنڑ تے وسیے جڈاں اوندے ڈو مگ طیارے اتے ہک ایم آئی سیونٹین ہیلی کاپٹر تباہ تھین۔پاک فوج دے شعبہ تعلقات عامہ دے ڈائریکٹر جنرل میجر جنرل آصف غفورگذریل ڈینہہ بھارت وکں سرپرائز ڈیونڑ کیتے خبردار کیتا ہا۔بدھ دی سویل جڈاں ڈو بھارتی مگ جہازاں پاکستانی سرحدی حدود دی خلاف ورزی کیتی تاں پاکستانی شاہیناں انہاں تے قہر وسا ڈتے۔ہک مگ ٹوئنٹی ون آزاد کشمیر اتے ڈوجھا مقبوضہ کشمیر اچ ونج ڈٹھے۔این کارروائی اچ بھارتی ایئرفورس دے ونگ کمانڈر سودھے ڈو پائلٹ گرفتار تھین اتے ڈو ماریے گین۔ڈوجھے پاسو بھارتی میڈیا موجب بھارتی فوج دا ہک ایم آئی سیونٹین وی ڈھے تے تباہ تھئے جیندے اچ چھی فوجی ماریے گین۔پاکستان پکریے ونجنڑ آلے جنگی قیدیاں توں بئی تحقیقات کریسی جڈاں جو زخمی بھارتی ونگ کمانڈر نالپاک فوج دے چنگے سلوک دی ویڈیوسوشل میڈیا تے تہلکہ مچا ڈتے اتے گرفتار پائلٹ ابھی نندن وی ایندا اعتراف کیتے جو کاش ساڈی فوج وی پاک فوج جھیں انسانیت دوست اتے پیشہ ورانہ فوج تھی ونجے۔
