اسلام آباد ۔ 11 فروری (اے پی پی)وزیر خارجہ مخدوم شاہ محمود قریشی دے زیر صدارت وزارت خارجہ اچ مشاورتی کونسل برائے خارجہ امور دا اجلاس تھئے جیندے اچ وزیراعظم دے مشیر برائے تجارت و سرمایہ کاری عبدالرزاق داو ¿د، سیکرٹری خارجہ تہمینہ جنجوعہ، سابق سفرائ، خارجہ سیکرٹریز، ماہرینِ بین الاقوامی امور تے بئے اراکین مشاورتی کونسل شریک تھین۔اجلاس اچ افغان امن عمل کیتے کوششاں ،بیرون ملک مقیم پاکستانیاں نال روابط دے ودھارے سودھے خارجہ پالیسی دے کثیر الجہتی پہلوواں تے الوایا گئے۔وزیر خارجہ مخدوم شاہ محمود قریشی اجلاس کوں اپنڑے دورہ برطانیہ بارے ڈسایا۔ انہاں آکھیے جو پاکستان مقبوضہ کشمیر دے مظلوم عوام دی سفارتی، اخلاقی اتے سیاسی حمایت جاری رکھیسی،افغانستان اچ امن کیتے طاقت دی بجاے مذاکرات تے یقین رکھدی ہیں،خطے اچ امن کیتے علاقائی اتے عالمی شراکت داراں نال ہتھ ونڈیندے راہسوں۔ اج سارا جگ امن کیتے گالمہاڑ نال رستہ کڈھنڑ دے ساڈے موقف کوں من گئے۔مشاورتی کونسل برائے امور خارجہ دے اجلاس اچ تارکینِ وطن نال روابط ودھاونڑ کیتے سیاحت، تجارت ،سرمایہ کاری، قانونی امداد اتے تعلیم جھیں شعبیاں کوں اگو تے ودھاونڑ تے وی زور ڈتا گئے۔
