اسلام آباد ۔ 9 فروری (اے پی پی)محکمہ ڈاک ولوں ای کامرس دے ناں نال نویں سروس شروع کر ڈتی گی ہے، وفاقی وزیر مواصلات تے پوسٹل سروسز مراد سعید اسلام آباد اچ سروس دا افتتاح کیتا۔ ہفتہ آلے ڈینھ وفاقی وزیر مواصلات تے پوسٹل سروسز مراد سعید اسلام آباد اچ محکمہ ڈاک ای کامرس دے ناں نال نویں سروس دا افتتاح کریندے ہوئیں آکھیا جو پاکستان پوسٹ سروسز کوں ڈیجیٹل دور دے تقاضیاں نال ہم آہنگ کر یندا پئے ،ای کامرس مارکیٹ اچ تکھے پیر جما گھنسی۔انہاں آکھیا جونویں سروس نال پاکستان پوسٹ معاشی خود کفالت آلے پاسے گامزن تھیسی۔ انہاں ڈسایا جوانہاں کوں52 ارب دے خسارے اتے پرانڑے انفراسٹکچر دے نال پاکستان پوسٹ ملیا۔اج ای کامرس سروس دے آغاز دے ڈینھ دے موقع تے 120 پارٹنر رجسٹرڈ تھی گن،نویں سروس شرور تھیونڑ نال پاکستان پوسٹ دے پچھلے کواٹر دے مقابلے اچ 184 فیصد ریونیو ودھے۔وفاقی وزیر نے مزید ڈسایاجو ہنڑ پرانڑے سسٹم دی بجائے نویںڈبیاں اچ سامان پیک کیتا ویسی اتے ہک ڈینھ اچ پارسل ڈیلیور کیتا ویسی۔ انہاں ڈسایا جو سارے پارسلز کوں ٹریک وی کیتا ونج جا سگسی ۔انہاں ڈسایا جوپاکستان پوسٹ توں گھٹ توں گھٹ کٹوتی اچ 50 ہزار تئیں رقم وی بھیجی ونج جا سگی۔ انہاں مزید ڈسایا جو پاکستان پوسٹ دا ویب پورٹل آن لائن کاروبار کرنڑ آلیاں دی مدد وی کریسی۔پاکستان پوسٹ دے سارے دفتراں اچ آن لائن رجسٹرڈ کمپنیاں دے سیمپلاں دی نمائش کیتی ویسی ۔
