پاکستان کشمیری عوام دی جدوجہد دی ماضی اچ وی حمایت کریند ا رہیے اتے ولا وی کریندا رہسی، ،وفاقی وزیر اطلاعات و نشریات چوہدری فواد حسین دا کشمیر کانفرنس توں خطاب

APP34-01 ISLAMABAD: February 01 – Federal Minister for Information and Broadcasting, Chaudhry Fawad Hussain addressing at Kashmir Conference. APP photo by Irfan Mahmood

اسلام آباد ۔ یکم فروری(اے پی پی)وفاقی وزیر اطلاعات و نشریات چوہدری فواد حسین آکھیا جو پاکستان کشمیری عوام دی جدوجہد دی ماضی اچ وی حمایت کریند ا رہیے اتے ولا وی کریندا رہسی،اے حمایت اوں ویلھے تئیں جاری رہسی جڈاں تئیں کشمیریاں کوں انہاں دا حق اتے اپنڑی منزل نی مل ویندی،کشمیر بارے بھارتی رویے تے پوری دنیا کھلدی پی اے،عمر فاروق اتے محبوبہ مفتی وی آکھنڑ تے مجبور تھی گئن جو کشمیر دے دل پاکستان نال دھڑکدن۔اے گالھ انہاں جمعہ کوں اتھاں ایوان قائد اچ نظریہ پاکستان کونسل اتے پاکستان آبزرور ددی سانجھ نال کشمیر کانفرنس نال خطاب کریندیں ہوئیں آکھی۔کانفرنس نال آزاد جموں تے کشمیر دے صدر سردار محمد مسعود خان اتے بئے مقررین وی خطاب کیتا۔ وزیر اطلاعات تے نشریات اپنڑے خطاب اچ آکھیا جو کشمیری عوام دی جدوجہد نسلاں ڈی جدوجہد اے،جینویں کشمیر اچ نسلاں دی جدوجہد اے اونویں پاکستان اچ وی اساڈی کشمیریاں سانگے جدوجہد نسلاں تے اے۔