اسلام آباد ۔23فروری(اے پی پی)پاک بحریہ دے جہازوں پی این ایس طارق اتے پی این ایس ہمت دا متحدہ عرب امارات دا دورہ کیتا تے انہاں بین الاقوامی/ بحری دفاعی نمائش اچ شرکت دے علاوہ سانجھی مشق ”نصل البحر“اچ حصہ گھدا ۔ ترجمان پاک بحریہ ولوں ہفتے کوں جاری بیان دے مطابق مشق دے دوران مختلف جنگی مہارتاں اتے میری ٹائم سکیورٹی آپریشنز دا عملی مظاہرہ کیتا گیا ۔ ترجمان ڈسائے جو پاک بحریہ دے وائس ایڈمرل عبدالعلیم فلیٹ کمانڈر یو اے ای نیول فورسز دے نال پی این ایس طارق نال مشق دا مشاہدہ کیتا۔ دورے دے دوران پاک بحریہ دے وائس ایڈمرل عبدالعلیم یو اے ای نیول فورسز دے ڈپٹی کمانڈرنال وی ملاقات کیتی ۔ ترجمان دے مطابق ڈوہیں رہنماواں دی ملاقات اچ سانجھے دلچسپی دے امور تے گال مہاڑ کیتی گئی ۔
