پاک فضائیہ دی پاکستانی فضائی حدود توں کنٹرول تے کارروائی اگر بھارت کوئی وی ثبوت ڈتے بغیر نام نہاد دہشت گرداں دے حامیاں تے حملہ کریندا پے تاں اساں وی انہاں عناصر دے خلاف جوابی کاروائی کرنڑ دا حق محفوظ رکھیندوں جنہاں کوں پاکستان اچ دہشت گردی دیاں کاروائیاں کرنڑ کیتے بھارتی سرپرستی حاصل اے ، ترجمان دفتر خارجہ

اسلام آباد ۔ 27 فروری (اے پی پی) پاک فضائیہ بدھ کوں پاکستانی فضائی حدود دے اندر توں لائن آف کنٹرول تے حملے کیتن ۔ اگر بھارت کوئی وی ثبوت پیش کیتے بغیر نام نہاد دہشت گرداں دے حامیاں تے حملہ کر یندا پئے تاں اساں وی انہاں عناصر دے خلاف جوابی کاروائی کرنڑ دا حق محفوظ رکھیندوں جنہاں کوں پاکستان اچ دہشت گردی دیاں کاروائیاں کرنڑ کیتے بھارتی سرپرستی حاصل اے ۔ ترجمان دفتر خارجہ ولوں جاری بیان دے مطابق اے اقدام بھارت دے جاری جارحانہ رویے دے جواب اچ کائناں ہئی لہٰذا پاکستان انسانی اتے ضمنی ضیان توں ہک پاسے رہندے ہوئیں غیر فوجی ہدف تے حملے کیتن جیں دا ہکو مقصد اپنڑے دفاع کیتے اپنڑے حق ،عزم تے صلاحیت دا مظاہرہ ہرنڑاں ہئی۔بیان اچ آکھیا گے جو اساں کشیدگی اچ ودھارا نئی چاہندے تاں جو اگر ایں طرح دے رویے دے ذریعے مجبور کیتا گیا تاں ایجھا کرنڑ کیتے پوری قوم تیار اے ۔ایہا وجہ اے جو اساں واضح وارننگ ڈے تے ڈینھ دی روشنی اچ کارروائی کیتی۔ گزریل کجھ سالاں توں بھارت کہیں نہ کہیں بہانے نال جارحیت دیاں کاروائیاں دا ارتکاب کرنڑ دکیتے اینکوں ”نیو نارمل“ دی نام نہاد اصطلاح دا ناں ڈیونڑ دی کوشش کریندا پئے ۔ بیان اچ آکھیا گے جو اگر بھارت ثبوت پیش کیتے بغیر نام نہاد دہشت گرداں دے حامیاں تے حملہ کریندا پئے تاں انہاں عناصر دے خلاف جوابی کاروائی کرنڑ دا حق محفوظ رکھیندوں جنہاں کوں پاکستان اچ دہشت گردی دیاں کارروائیاں کرنڑکیتے بھارتی سرپرستی حاصل اے ۔