لاہور۔7 فروری(اے پی پی )پنجاب اچ نویں سیاحتی جہیں ڈویلپ کرنڑ دا فیصلہ کیتا گئے،وزیراعلیٰ پنجاب عثمان بزدار منظوری ڈے ڈتی اے ۔ایں بارے وزیراعلیٰ پنجاب دی صدارت اچ وزیراعلیٰ آفس اچ اعلیٰ سطح دا اجلاس تھیا۔اجلاس اچ وزیراعلیٰ ’ ڈیرہ غازی خان دے علاقے کوہ سلیمان کو ںسیاحتی جاہ بنڑاونڑ سانگے فوری کم کرنڑ دی ہدایت کیتی۔اجلاس اچ ڈیرہ غازی خان دے علاقے اچ ٹورازم ڈویلپمنٹ کارپوریشن پنجاب دے رےزارٹس دی تزئین و آرائش دا فیصلہ وی کیتا گئیا۔سیاحت کوں پروموٹ کرنڑ سانگے کےمپنگ سائٹس ،ہپ سفاری،پےراگلائےڈنگ ا تے لوکل ہےرٹےج بازاروی بنڑائے ویسن۔وزیراعلیٰ اجلاس نال خطاب کریندیں ہوئیں آکھیا جو پنجاب اچ سیاحت کوں صنعت دے طور وھاونڑ سانگے بہوں موقع موجود ہن اتے تحریک انصاف دی حکومت سیاحت دے ودھارے سانگے حکمت عملی بنڑائی اے۔جنوبی پنجاب دے سیاحتی جہیں دی ڈویلپمنٹ نال سیاحت ودھسی۔
