اسلام آباد ۔ 13 فروری (اے پی پی)وفاقی وزیر برائے مذہبی امور نور الحق قادری آکھیا جو روپے دی قدر اچ گھٹکی،مکہ اتے مدینہ اچ چنگی رہائشی عمارتاں گھنڑ،ٹکٹ اچ رقم اچ ودھارے پاروں حج دے خرچے ودھ گئن،پچھلی حکومتاں ملک کوں اقتصادی طور تباہ نہ کریندی تاں اساں حج مہانگا نہ کریندے،سعودی ولی وہد نال روڈ ٹو مکہ پراجیکٹ اچ اسلام آباد اتے پشاور کوں رلاونڑ،پاکستان دے حج کوٹہ اچ بئے ودھارا کرنڑ سانگے گالھ کریسوں۔سبسڈی اساڈا اپنڑاں معاملہ اے،ایں بارے سعودی عرب نال گالھ کائنا کریسوں۔بدھ کوں وزارت مذہبی امور اچ پریس کانفرنس نال خطاب کریندیں ہوئیں انہاں آکھیا جو گزریل ہفتے حج پالیسی دا اعلان تھی گئے ۔ذرائع ابلاغ اچ ایں بارے بحث تھیندی پی اے۔ڈو ڈینھ توں ایجھا ٹور آپریٹر جئیں ڈے کوٹہ وی کائنی،او آکھدا پے جو سرکاری حج توں وی سستا حج کرا سگدے،اگر او اینویں کر سگدے تاں اساں اوندی مدد کریسوں،اوندہ حوصلہ افزائی نال ایوارڈ وی ڈوں۔اساں حاجیاں دی چنگی خدمت کرنڑ چاہندوں۔
