چیئرمین سینیٹ محمد صادق سنجرانی دی متحدہ عرب امارات دے سفیر حماد عبید ابراہیم صالم الاصابی نال ملاقات

CHAIRMAN SENATE, MUHAMMAD SADIQ SANJRANI EXCHANGING VIEWS WITH MR. HAMAD OBAID IBRAHIM SALEM AL-ZAABI, AMBASSADOR OF U.A.E AT PARLIAMENT HOUSE ISLAMABAD ON FEBRUARY 20, 2019.

اسلام آباد ۔ 20 فروری (اے پی پی) چیئرمین سینیٹ محمد صادق سنجرانی آکھیے جو پاکستان اتے متحدہ عرب امارات وچال معاشی تعان دے ودھارے سانگے ودھ ساری استعداد موجود اے، متحدہ عرب امارات کوں پاکستان اچ امن و امان دی بہتر صورتحال توں فائدہ گھندے ہوئیں بھر پور سرمایہ کاری کرنڑیں چاہیدی اے، پارلیمان کہیں وی ملک دا چہرہ ہوندے ،پاکستانی پارلیمنٹ ڈوہائیں ملکاں وچال ڈوطرفہ یاری آلے تعلقات دے فروغ سانگے کردار ادا کریسی۔ اے گال چیئرمین سینٹ بدھ کوں اتھاں متحدہ عرب امارات دے سفیر حماد عبید ابراہیم صالم الاصابی دے نال ملاقات اچ آکھی اے۔ ملاقات اچ وفاقی وزیر مذہبی امور پیر نور الحق قادری وی موجود ہن۔ انہاں آکھیے جو ڈوہائیں ملکاں وچال معاشی تعاون دے ودھارے سانگے ڈھگ ساری استعداد موجود ہے۔ پاکستان اتے متحدہ عرب امارات خطے دی ترقی اتے لوکاں دی خوشحالی دے سانجھے ایجنڈے تے عمل کریندے پن۔ انہاں آکھیے جوڈوہائیںملکاں وچال تریخی تعلقات سانجھی قدر نال جڑے پن۔انہاں آکھیے جوگوادر خطے دی ترقی اتے سرمایہ کاری دا بہترین مرکز ہے۔ ڈوہائیں ملکاں وچال پارلیمانی وفود دے تبادلیں کوں وی ودھاونڑ دی ضرورت اے۔