اسلام آباد ۔ 7 فروری (اے پی پی) چیئرمین سینیٹ محمد صادق سنجرانی آکھیے جو پاکستان دے مختلف شعبیاں اچ سعودی سرمایہ کاری قابل تحسین اے، بھاری سرمایہ کاری پاکستان تے سعودی قیادت اتے سرمایہ کاراںدے اعتماد دی مثال اے،تجارت، معیشت اتے سرمایہ کاری ڈوہان ملکاں وچال دیرینہ دوستانہ تعلقات کوں بیا اگو تے ودھیسی۔ اے گالھ انہاں پارلیمنٹ ہاﺅس اچ سعودی عرب دے سفیر نواف بن سعید المالکی نال ملاقات اچ آکھی۔ملاقات اچ چیئرمین سینیٹ سعودی شوریٰ کونسل دے صدر ڈاکٹر عبداللہ محمد ابراہیم الشیخ کوں دورہ پاکستان دی دعوت داخط وی سعودی سفیر کوں ڈتا۔چیئرمین سینیٹ آکھیا جو ساڈا مشترکہ مقصد باہمی تعاون دے ذریعے علاقے دی خوشحالی اتے ترقی اے، ساکوں امن دے قیام اتے علاقائی ترقی دے ایجنڈے تے عملدارآمد کیتے مشترکہ کوششاں کرنڑیاں چاہیدن۔
