چین اچ منعقد تھیونڑ آلی پنج ڈینھ دی انٹرنیشنل بین الاقوامی تجارتی نمائش”ہاربن انٹرنیشنل اکنامکس اینڈ ٹریڈ فیئر“ اچ شرکت سانگے25 فروری تئیں درخواستاں جمع کرائیاں ویسن

اسلام آباد ۔ 9 فروری (اے پی پی) چین اچ تھیونڑ آلی پنج ڈینھ دی انٹرنیشنل تجارتی نمائش”ہاربن انٹرنیشنل اکنامکس اینڈ ٹریڈ فیئر“ اچ شرکت سانگے25 فروری تئیں درخواستاں جمع کرائی ونج جا سگدن۔ ٹریڈ ڈویلپمنٹ اتھارٹی آف پاکستان( ٹی ڈی اے پی) توں جاری کیتی گی تفصیلات مطابق عالمی تجارتی نمائش15 توں19جون2019ءکوں منعقد تھیسی،جیندے اچ ملبوسات، کھیڈاں دا سامان، آئی ٹی، فروٹ تے سبزیاں ،تعمیراتی سامان، پیکنگ میٹیریلز، فرنیچر ، ہارڈویئرز اتے زرعی مشینری سمیت بی مصنوعات تیار تے برآمد کرنڑ آلے ادارے شرکت کر تے اپنڑیاں مصنوعات دی نمائش اتے کاروباری معاملات طے کرسگسن۔ عالمی تجارتی نمائش اچ شرکت نال ملکی برآمدات دے ودھارے سانگے مدد ملسی۔ ایں بارے معلومات ٹی ڈی اے پی دی ویب سائٹ توں وی گھدیاں ونج جا سگدن ۔