کابینہ دی اقتصادی رابطہ کمیٹی دا اجلاس

اسلام آباد ۔ 12 فروری (اے پی پی) کابینہ دی اقتصادی رابطہ کمیٹی ملک اچ کپاہ دی فصل دی بحالی کیتے اقدامات کرنڑ دے نال نال پی آئی اے کیتے 5.6 ارب روپے دی اضافی گارنٹی دی وی منظوری ڈے ڈتی ۔ای سی سی دا اجلاس منگل کوں وفاقی وزیر خزانہ اسد عمر دی زیر صدارت تھیا۔ ای سی سی کپاہ دی فصل دی بحالی دے حوالے نال تجویز کیتے گے اقدامات دا جائزہ گھندے ہوئیں ایندی منظوری ڈتی۔ اجلاس اچ فیصلہ کیتا گے جو ایں شعبے اچ تحقیق تے ترقی تے خصوصی توجہ ڈتی ویسی ۔ ایندے علاوہ کپاہ دی فصل کیتے تحقیق و ترقی دے سلسلے اچ چین دے نال تعاون کوں وی ودھایا ویسی ۔ ای سی سی گراﺅنڈ شدہ طیاریں کوں چلاونڑ دے سلسلے اچ انجنڑاں دی ڈیکھ بھال تے متعلقہ سپیئر پارٹس دی خریداری دے سلسلے اچ 5.6 ارب روپے دی اضافی گارنٹی دی منظوری ڈتی۔