اسلام آباد ۔ 5 فروری (اے پی پی) اسپیکر قومی اسمبلی اسد قیصر آکھیے جو کشمیر عوام دیاں امنگاں دے مطابق مسئلہ کشمیر دا حل علاقائی تے عالمی امن و استحکام کیتے ناگزیر اے۔ انہاں آکھیا اے کوئی علاقائی جھیڑا کائن بلکہ حق خود ارادیت کشمیری عوام دا بنیادی حق اے ،پاکستان دی پارلیمنٹ مسئلہ کشمیر دے پرامن حل کیتے پر عزم اے ،منگل کوں یوم یکجہتی کشمیر دے موقع تے اپنڑے پیغام اچ انہاں آکھیا جو ایں سلسلے اچ پارلیمنٹ مسئلہ کشمیر کوں اقوامِ متحدہ سیکورٹی کونسل دیاں قرارداداں دے مطابق حل کرنڑ تے مقبوضہ وادی اچ بھارتی فوج ولوں تھیونڑ آلے ظلم کوں روکنڑ کیتے بہوں ساریاں قراداداں منظور کیتن۔ کشمیر اچ طاقت دے استعمال نال تحریکِ آزادی کوں دبایا نئیں ونج سگدا ۔
