کہیں نال ڈیل نہ تھیسی،رج تے لٹنڑ آلے مال لُک چھُپ تے ولا ڈیونڑ چاہندن، وزیر پٹرولیم

وفاقی وزیر پٹرولیم ڈویژن غلام سرور خان دا این اے 59 دے عمائدین نال خطاب
اسلام آباد ۔ 4 فروری (اے پی پی) وفاقی وزیر پٹرولیم ڈویژن غلام سرور خان آکھیے جو کہیں نال کوئی ڈیل تھیسی اتے ناں ہی کہین کوں کوئی ڈھیل ڈتی ویسی، جین مال لٹیے اوندے توں ولا کڈھویسوں،رج تے ملک لٹنڑ آلے ہنڑ پکڑیجنڑ توں بعدمال لُک چھُپ تے ولا ڈیونڑ چاہندن،بھل اساںا ٓہدے ہیں جو لکو ناں کھل تے اقرار کرو،اساں مال مسروقہ برآمد کریسوں۔اے گالھ نہاں این اے 59 دے عمائدین ولوں ڈتے گئے ظہرانے خطاب اچ آکھی۔انہاں آکھیا جو ملک لٹنڑ آلیاں دا احتساب تھیندا پئے،چوراں داکواں دا دور مک چکیے، ہنڑ اے حساب وی ڈیسن اتے جیلاں وی بھگتیسن۔ انہاںا ٓکھیے جو میں 1985توں ہنر تئیں (ن) لیگ دے خلاف کھڑاں،ڈوہیں وڈیان جماعتاں دے لیڈر اپنڑی چوری لکاونڑ کیتے رلیے ہوئن بھل عمران خان کوئی این آر او منیند اتے نہ ہی کوئی ڈھیل ڈیونڑ کوں تیار ہین، ہر کہیں دا احتساب تھیسی۔