اسلام آباد ۔ 3 فروری (اے پی پی) وزیر مملکت ریونیو حماد اظہر آکھیے جو حکومت ٹیکساں دے دائرہ کار کوں ودھا را ڈے تے صنعتکاراں اتے تاجراں کوں ودھ توں ودھ سہولتاں ڈے تے اقتصادی بحالی کیتے اقدامات کریندی پئی اے جیں نال قومی معیشت کوں مستحکم کرنڑ اچ مدد مل ویسی ۔ہک نجی ٹی وی چینل نال گال مہاڑ کریندے ہوئیں انہاں آکھیا جو گزریل حکومت 2300بلین روپے دا گھاٹا ڈتے جیں دی وجہ توں اقتصادی شعبیں تے بوجھ پیا لیکن دوست ملکاں دے تعاون نال قومی معیشت اچ بہتری آئی اے انہان آکھیا صنعتاں ، زراعت اتے چھوٹے اتے درمیانے درجے دیاں صنعتاں دا ودھارا تحریک انصاف دی حکومت دی پہلی ترجیح اے ۔ وزیر مملکت آکھیا جو سابقہ حکومتاں دیاں غلط اتے غیر دانشمندانہ پالیسیاں ٹیکسٹائل دی فعال تے وڈی برآمدی صنعت کوں خطرے اچ پاتے جیں دے بعد ملک دی مجموعی معیشت تباہ تھئی اے ۔
