اسلام آباد ۔ 25 مارچ (اے پی پی) صدر مملکت ڈاکٹر عارف علوی آکھیا جو اجوکی حکومت چائلڈ لیبر دے خاتمے اتے بالان دے حقوق دے تحفظ بارے ہر ممکن اقدامات کریسی،اے تاثر درست کائنی جو چائلڈ لیبر پاکستان ثقافت دا حصہ اے،عوام بالاں نال حسن سلوک کریندیں ہوئیں انہاں دی تعلیم تے وی توجہ ڈیون کیونجو نویں نسل کوں تعلیم ڈتے بغیر نواں پاکستان نی بنڑ سگدا۔او سنوار کوں پاکستان اچ چائلڈ لیبر سروے دے قومی اجراءدی تقریب توں خطاب کریندے پے ہن ۔ایں موقع تے وفاقی وزیر برائے انسانی حقوق شیریں مزاری، وفاقی سیکریٹریز برائے وزارت انسانی حقوق اتے شماریات ڈویژن دے علاوہ یونیسف، انٹرنیشنل لیبر آرگنائزیشن اتے یو کے ایڈ سمیت مختلف سانجھے داراں دے نمائندے وی شریک ہن ۔