اساں پاکستان نال صرف چنگے تعلقات نی چاہندے جڈانجو ڈوہیں ملکاں اچ تجارت اتے صنعت کوں ترقی ڈیونڑ چاہندوں، ملائیشیا دے وزیراعظم مہاتیر محمد دا پاکستان ملائیشیا سرمایہ کاری کانفرنس نال خطاب

اسلام آباد ۔ 22 مارچ (اے پی پی) ملائیشیا دے وزیراعظم مہاتیر محمد آکھیا جو اساں پاکستان نال صرف چنگے تعلقات نی چاہندے جڈانجو ڈوہیں ملکاں اچ تجارت اتے صنعت کوں ترقی ڈیونڑ چاہندوں،معاشی ترقی سانگے امن و امان اتے صنعتی ترقی ضروری اے،پاکستان نال ٹیکنالوجی اتے مہارت دا تبادلہ کریسوں۔او جمعہ کوں پاکستان ملائیشیا سرمایہ کاری کانفرنس نال خطاب کریندے پے ہن ۔ایں موقع تے وزیراعظم عمران خان وی خطاب کیتا۔ ڈاکٹر مہاتیر محمد آکھیا جو کاروباری بندیاں نال ملاقات کرنڑ تے خوشی تھی اے۔انہاں آکھیا جو ایں کانفرنس نال ڈوہیں ملکاں دے تاجراں تے سرمایہ کاراں کوں ہک ڈوجھے کو ں سمجھنڑ،خیالات دے تبادلے اتے سانجھے داراں نال امکانات دا جائزہ گھنڑ دا موقع ملیے ۔ایں موقع تے انہاں ملائیشیا دی ترقی دے سفر بارے ڈسیندیں ہوئیں آکھیا جو ملائیشیا ہک غریب ملک ہئی جئیں کوں صنعت تے توجہ ڈے کراہیں ترقی دے رستے تے ٹوریے۔اساں غیر ملکی سرمایہ کاراں کوں ملائیشیا اچ آونڑ دی ترغیب ڈتی،انہاں کوںسہولتاں اتے رعایتاںڈتیاں جئیں نال نویں ٹیکنالوجی اتے سرمایہ آیا۔اساں صنعت اتے ٹیکنالوجی اچ مہارت حاصل کیتی اتے اپنڑی مصنوعات بنڑایاں۔ایندے نال نال امن سانگے عملی کم کیتا اتے عسکریت پسندی سمیت مختلف مسئلیاں تے قابو پاونڑ اچ کامیاب تھیے۔انہاں آکھیا جو اج ملائیشیا دے سارے ملکاں نال دوستانہ تعلقات ہن اتے اساڈا کوئی دشمن کائنی جڈانجو اسرائیکل دا معاملہ مختلف اے۔اسرائیکل نال اساں کہیں سطح دے تعلقات کائنی بنڑائے ۔انہاں آکھیا جو ایں گالھ دا مطلب اے جو اساں یہودیاں دے خلاف ہیسے اتے اسرائیل دی فلسطین دے خلاف غاصبانہ پالیسیاں دے مخالف ہیسے،ایہو وجہ اے جو ملائیشیا اسرائیکل نال تعلقات نی بنڑائے ۔انہاں آکھیا جو وزیراعظم عمران خان اساڈے یار اتے ملائیشیا دے حامی ہن ۔انہاں آکھیا جو پاکستان اچ اپنڑی مصنوعات متعارف کراونڑ بارے ملائیشیا اچ بنڑائی گئی چابی وزیراعظم عمران خان کوں پیش کیتی۔