اسلام آباد ۔ 14 مارچ (اے پی پی)ایں سال دے پہلے چھی مہینے اچ تیل دے درآمدی بل اچ 15 فیصد ودھاراتھئے۔پاکستان بیورو برائے شماریات دے ذرائع دے مطابق ایں مالی سال 2018-19ءاچ جولائی توں دسمبر تئیں تیل دا درآمدی بل 7 ارب 7 کروڑ ڈالر رہے جیہڑا گذریل مالی سال 2017-18ءدے این عرصہ اچ 6 ارب 67 کروڑ 50 لکھ ڈالرہا۔ بین الاقوامی سطح تے تیل دیاں قیمتاں اچ کمی دے باوجود درآمدی بل اچ ملک دے اندرو پٹرولیم مصنوعات دی کھپت ودھنڑ نال ودھارادا رجحان ڈٹھا گئے۔حکومت تیل دے درآمدی بل اچ کمی کیتے اقدامات کیتن جیندے اچ سعودی عرب توں مو¿خر ادائیگی تے تیل دی فراہمی اتے متحدہ عرب امارات توں پاکستان دی مالی معاونت نال ملک اچ ادائیگیاں دے توازن اچ چنگائی تھئی اے۔