وزیراعظم عمران دا پاکستان دے نویں آن لائن ویزہ نظام دی افتتاحی تقریب توں خطاب

اسلام آباد۔ 14 مارچ (اے پی پی) وزیراعظم عمران خان اعلان کیتا جو ملک اچ سکیورٹی دی صورتحال بہتر تھیونڑ تے آندے سال پاکستان سپر لیگ (پی ایس ایل) دے سارے کرکٹ میچز پاکستان اچ کھیڈیے ویسن۔خمیس کوں وزیراعظم آفس اچ پاکستان دے نویں آن لائن ویزہ نظام دی افتتاحی تقریب توں خطاب کریندیں ہوئیں وزیراعظم آکھیا جو ماضی اچ دہشت گردی پاروں اساں ہک اوکھا ویلھا لنگھائے۔وزیراعظم دہشت گردی دے خلاف جنگ اچ سکیورٹی فورسز خصوصی طور انٹیلی جنس ایجنسیز دے کردار دی تعریف کریندیں ہوئیں آکھیا جو جینویں انہاں دہشت گردی دا مقابلے کیتے ایں نال ملک اچ امن بحال تھیے،اج پاکستان ماشاءاللہ ہک محفوظ ملک اے۔انہاں آکھیا جو کرکٹر ہوونڑ دے ناطے میکوں پتہ اے جو خالی سٹیڈیم اچ کھیڈنڑ کتنا بور ہوندے۔انہاں آکھیا جو پاکستان ہک محفوظ ملک اے ایں سانگے آندے سال پی ایس ایل دے سارے میچ پاکستان اچ کھیڈیے ویسن۔انہاں آکھیا جو اج پاکستان ہک نویں رستے تے ٹُر پے جیڑھا جو امن دا رستہ اے ،جڈانجو انہاں بھارت اچ آندے انتخابات دے تناظر اچ خدشات دا اظہار کیتا جو جتھاں الیکشن جتنڑ سانگے نفرت دی سیاست کیتی ویندی اے۔انہاں آکھیا جو بھارت سمیت سارے ہمسائیے ملکاں نال چنگے تعلقات چاہندوں۔انہاں آکھیا جو ہک پُر امن پاکستان ای انشاءاللہ خوشحال پاکستان بنڑسی۔