پوری قوم وزیراعظم عمران خان اتے افواج پاکستان نال کھڑی اے،کوفاقی وزیراطلاعات ونشریات چوہدری فوادحسین دا جہلم اچ عوامی اجتماع نال خطاب

جہلم ۔ 10 مارچ (اے پی پی) وفاقی وزیراطلاعات ونشریات چوہدری فوادحسین آکھیے جو پوری قوم وزیراعظم عمران خان اتے افواج پاکستان نال کھڑی اے،کوئی وی پاکستان دو میل اکھ نئیں ڈیکھ سگدا،وڑ تے مارنڑ آلیاں کوں ڈس ڈتے جو اے خواب ڈیکھنڑ چھوڑ ڈیون،پاکستان امن کیتے ہر ویلھے اگو کھڑے، امریکی اخبارات وی عمران خان کوں امن دے نوبل انعام ڈیونڑ دی حمایت کیتی اے،صرف اپوزیش ہی ہے جیہڑی اپنڑے وزیراعظم کوں امن دا پیامبر نئیں ڈیکھ ٹھردی، خورشید شاہ کوں اپنڑے جیل ونجنر دا چنتا اے، صحت اتے احتساب تے یاست نئیں تھیونڑی چاہیدی، وزیراعظم عمران خان دی اگوانڑی اچ معیشت، سیاست، تعلیم ، صحت اتے بئے شعبیاں اچ مسلیاں توں نجات پا گھنسوں۔ اے گالھ انہاں جہلم اچ عوامی اجتماع نال خطاب کریندے آکھی۔ انہاں آکھیا جو جہلم شہیداں اتے غازیاں دی سرزمین اے، اساں مادروطن دے دفاع کیتے جاناں دے نذرانے ڈیونڑ آلے شہیداں کوں خراج عقیدت پیش کریندے ہیں، اے شہدا اتے غازیاں دی قربانی ہی اے جین مودی دیاں نندراں حرام کیتاں ہوئن اتے او پاکستان توں ڈریا بیٹھے،پورا جگ پاک فوج اتے پاکستانی قوم کوں مانڑ نال ڈیہدے بھل بھارت دی اپنڑے کرتوتاں پاروں جگ ہسائی تھیندی پئی اے،بھارتپاکستان اچ وڑ تے ڈیکھ گھدے جو ایندے نال تھیندا کیا اے، پاکستان اچ وڑن بھارت دی خام خیالی اے۔ انہاں آکھیے جو پاکستان کڈاھیں پہل اتے زیادتی نئیں کیتی،پاکستان دا یہو موقف اے جو دہشتگردی اتے جنگ کہیں مسلے دا حل نئیں، پاکستان خطے اچ امن اتے استحکام دے عزم اچ اج وی اگو کھڑے تھیا۔ انہاں آکھیا جو خطے اچ ہک وڈی اتے خوفناک جنگ کوں روکنڑ تے اج امریکی اخبارات و ی وزیراعظم عمران خان کیتے امن دے نوبیل انعام دی حمایت کریندے پین،ایندے اچ پاکستان دی عزت اے بھل جیں لوکین ایندے تے اعتراض کیتے او پاکستان دی فوج اتے پاکستان دی قوم دا احترام نئیں کریندے۔ انہاں آکھیے جو پاکستان تحریک انصاف ہک مشن اے،اے انہاں مسائل توں نجات پاونڑ دا مشن اے جیہڑے پچھلیاں حکومتاں چھوڑین،جڈاں انہاں توں مسلیاںاتے 30 ہزارکروڑ روپے دے قرضیاں دا پچھو تاں آہدن ساکوں کجھ نہ آکھو اساں بیمار ہیں،حکومت اتے اپوزیشن اچ کوئی جھیڑا نئیں سوائے ایندے جو قوم دے پیسے دا حساب ڈیو، اپوزیشن دا ہکو ایجنڈا اے جو حساب نہ گھنو،عوامی مسلیاں تے نہ الواو، اے اجلاساں اچ صرف اپنڑے لیڈر بچاونڑ آندن بھل اساں احتساب توں پچھو نہ ہٹسوں،جیکر اساں انہاں کوں عرایت ڈے ڈتی تاں ول عوام دا ہاتھ اتے ساڈاگریبان ہوسی،بیرون ملک اعلاج دی فرمائش صرف علاج نئیں صحت دے ناں تے سیاست کرنڑ اے۔