راولپنڈی ۔ 19 مارچ (اے پی پی) پاک فوج دے سربراہ جنرل قمر جاوید باجوہ نال بحرین نیشنل گارڈ دے کمانڈر لیفٹیننٹ جنرل شیخ محمد بن عیسیٰ بن سلمان ملاقات کیتی۔جیندے اچ پیشہ ورانہ اتے سانجھی دلچسپی دے امور اتے مجموعی علاقائی صورتحال تے گالھ مہاڑ کیتی گئی۔ پاک فوج دے شعبہ تعلقات عامہ (آئی ایس پی آر) مطابق نیشنل گارڈ بحرین دے کمانڈر لیفٹیننٹ جنرل شیخ محمد بن عیسیٰ بن سلیمان جی ایچ کیو راولپنڈی اچ آرمی چیف نال ملاقات کیتی۔ ڈوہائیں شخصیات فوجی تعاون ودھاونڑ تے اتفاق کیتے۔ مہمان شخصیت علاقائی سلامتی اتے استحکام سانگے پاکستان دے کردار دی تعریف کیتی۔
