اسلامو فوبیا دا ودھدا ہوئیا رجحان ہک سنگین معاملہ اے،وزیر خارجہ دی ترکی دے عالمی نیوز چینل ”ٹی آر ٹی ورلڈ“ نال گالھ مہاڑ

اسلام آباد ۔ 22 مارچ (اے پی پی) وزیر خارجہ شاہ محمود قریشی آکھیا جو اسلامو فوبیا دا ودھدا ہوئیا رجحان ہک سنگین معاملہ اے جیڑھا جو راتو رات نی ودھیا۔او گزریل ڈینھ اتھاں اسلامی ملکاں دی تنظیم دے اسلامو فوبیا بارے اجلاس دے عبد ترکی دے عالمی نیوز چینل ”ٹی آر ٹی ورلڈ“ نال گالھ مہاڑکریندے پے ہن ۔انہاں آکھیا جو ایں توں پہلے مسلماناں دے جذبات نال کھیڈنڑ سانگے توہین آمیز خاکے استعمال کیتے گئے ۔انہاں آکھیا جو دہشت گردی دی تعریف مخصوص انداز اچ کیتی گئی جڈانجو ای گالھ دی لوڑھ اے جو ایں کوں مﺅثر اندازاچ ڈٹھا ونجے۔انہاں آکھیا جو جڈاں کوئی غیر مسلم دہشت گردی اچ ملوث ہوندے تاں آکھیا ویندے جو اے اوں دا اپنڑاں مسئلہ اے جڈانجو کوئی مسلمان کہیں ایجھے واقعے اچ ملوث ہووے تاں اسلام نال جوڑ ڈتا ویندے۔