اصلاحات گھن آونڑ اجوکی حکومت دا مینڈیٹ اے، وفاقی وزیر منصوبہ بندی مخدوم خسرو بختیار دی وزیراعظم دے مشیر ڈاکٹر عشرت حسین نال ملاقات اچ گالھ مہاڑ

APP26-07 ISLAMABAD: March 07 - Federal Minister for Planning, Development & Reform, Makhdum Khusro Bakhtyar talking to Dr. Ishrat Hussain, Advisor for Institutional Reforms & Austerity who called on him. Secretary Planning Zafar Hasan is also present. APP

اسلام آباد ۔ 07 مارچ (اے پی پی)وفاقی وزیر برائے منصوبہ بندی ترقی و اصلاحات مخدوم خسرو بختیارآکھیے جو اصلاحات گھن آونڑ اجوکی حکومت دا مینڈیٹ اے، ایں سانگے پبلک سیکٹر کوں بیا فعال بنڑایا ویسی۔اے گالھ وفاقی وزیر منصوبہ بندی مخدوم خسرو بختیار اسلام آباد اچ وزیراعظم دے مشیر برائے اصلاحات ڈاکٹر عشرت حسین نال ملاقات اچ گالھ مہاڑکریندے آکھی۔ڈاکٹر عشرت حسین آکھیا جو وزارتاں دے منصوبیاں دی منظوری دی مالی حد ودھاونڑدی تجویز زیر غور اے،سنٹرل ڈویلپمنٹ ورکنگ پارٹی اتے ایکنک صرف میگا پراجیکٹس دی منظوری ڈیسن جیندے نال بوجھ وی گھٹ ہوسی اتے ویلھا وی بچسی،انہاں منصوبیاں دی جانچ پڑتال اتے مانیٹرنگ پلاننگ کمیشن ہی کریسی اتے ڈیپارٹمنٹل ڈویلپمنٹ ورکنگ پارٹی اچ ایندی نمائندگی ہوسی۔ تجویز دی تعریف کریندے مخدوم خسرو بختیار زورڈتا جو منصوبیاں دی منظوری دا عمل بیا تیز اتے چنگاں کیتا ونجے۔